Om stillinga

Vi har ledig ei 100 % fast stilling for ein dyktig og engasjert overingeniør/teknisk utgreiar.

Møre og Romsdal jordskifterett er ein av landets største jordskifterettar og har i dag 19 tilsette fordelt på 3 rettsstadar (Ørsta, Molde og Surnadal).
Arbeidsplassen for denne stillinga er Ørsta, der det i dag er 9 tilsette.
Jordskiftesoknet omfattar alle kommunane i Møre og Romsdal, samt Rindal kommune i Trøndelag.

Arbeidsoppgåvene er i hovudsak:

Teknisk saksførebuing og teknisk gjennomføring av saker domstolen har til behandling.
Landmålingstekniske oppgåver omfattar mellom anna:

• innmåling, utsetting og merking av grenser
• utrekningar og skildring av grenser
• utarbeiding av kart samt GIS-arbeid
• Saksførebuing, planlegging og utgreiing av sakene i samarbeid med dommar
• ved behov lede og gjennomføre synfaring og teknisk arbeid i felt

Avhengig av kvalifikasjonar kan det også være aktuelt å gjennomføre rettsmekling.
Stillinga medfører feltarbeid, til dels i krevjande terreng, og det føreset at du har normalt god fysisk helse.

Stillinga medfører noko reiseaktivitet og du må rekne med å delta i saksarbeid ved alle rettsstadane i domstolen.
Domstolen har eigen tenestebil som ein disponerer ved feltarbeid.
Det er eit krav at du har førarkort for bil.
Skyss- og kostgodtgjersle vert gitt etter Staten sitt regulativ.

Kven er du?

Vi krev i utgangspunktet at du har 3-årig høgskoleutdanning, bachelorgrad eller tilsvarande, primært innan landmåling og eigedomsdesign.
Annan relevant utdanning kan også være aktuell, særleg utdanning innan fagfelta GIS, landmåling, kartfag, eigedomsfag eller tingsrett.
Det blir lagt vekt på god forståing i landmåling, GIS, IKT, tingsrett og eigedomsfag.
I tillegg vert det lagt vekt på evne og interesse for rettsmekling.
Det er vidare ein fordel med kunnskap innan jordskifte og rettsprosess.
Det er også en fordel med erfaring i bruk av GNSS-utstyr til RTK-måling og GIS-verktøy (ArcGis) som vert nytta av jordskifterettane.

Du må ha gode evne til samarbeid og kunne bidra til et godt arbeidsmiljø.
Det vert lagt vekt på at du kan arbeide sjølvstendig, er allsidig og lærevillig.
Du må kunne yte service og opptre på ein objektiv og kontakt- og tillitsskapande måte overfor partane i jordskiftesakene.
Vi føreset at du kan kommunisere godt munnleg og skriftleg på norsk, og kan delta i dialog med partar, private og offentlege instansar på en god og forståeleg måte.

Ferdigheiter i bruk av digitale verktøy blir vektlagt.
Vi arbeider kontinuerleg med forbetring av domstolen sine digitale løysningar.
Du vil være ein viktig bidragsytar i dette arbeidet.

Kva tilbyr vi?

• varierte og utfordrande arbeidsoppgåver på ein arbeidsplass med eit viktig samfunnsoppdrag
• godt arbeidsmiljø med hyggelege og kompetente kollegaer
• du vil lære mykje nytt! Vi er opptatt av å utvikle din kompetanse
• variert arbeidsdag med feltarbeid i storslagen natur
• vi arbeider hardt og dedikert, men har fleksible ordningar for fri, avspasering og høve til trening i arbeidstida
• vi tilbyr stilling som overingeniør/teknisk utgreiar med konkurransedyktige vilkår og ein av marknaden sine beste pensjonsordningar i Statens pensjonskasse
• trygg arbeidsplass innanfor staten sine rammer og avtaleverk

Om oss

Domstolane er den tredje statsmakt.
Noreg har 49 domstolar med om lag 2000 medarbeidarar.
Landet er delt inn i 19 jordskifterettar med ca.
230 tilsette.

Jordskifteretten er ein særdomstol som i hovudsak arbeider med omforming av eigedomar, organiserer felles bruk av eigedomar, klarlegg rettsforhold og grenser til fast eigedom, og gjennomfører ei rekkje skjønn.

Domstolane er avgjerande for at vi har eit trygt og godt samfunn basert på tillit.
Tillit mellom menneske og myndigheiter, men også mellom deg og meg.
Alle skal ha tillit til, og respektere våre avgjerder, uavhengig av utfall.

Les meir om jordskifterettane på www.domstol.no.