Om stillinga

Vil du vere med å utvikle vår interkommunale barnevernteneste? Osterøy kommune er vertskommune for Vaksdal og Modalen barnevernsteneste.
Saman i Sørfjorden barnevernsteneste skal vi skape gode tenester for barn og unge.

Me søkjer ein barnevernleiar i fast stilling på 100 % til Sørfjorden barnevernsteneste.
Me har i dag 12 tilsette og er organisert i Familiens hus på Osterøy, som også huser PPT, Barn- og familieteamet og Osterøy helsestasjon.
Familiens hus er ein del av sektor for Oppvekst, undervisning og kultur.

Vår barnevernteneste fokuserer på tidleg innsats og ynskjer å følgje opp både enkelttilfelle og bidra på systemnivå i samband med førebyggjande arbeid for alle barn i tråd med ny barnevernlov/oppveksteform.
Familiens hus ligg i Lonevåg sentrum, med kontorlokaler òg i Vaksdal kommune.

Arbeidsoppgåver

• Ansvar for barneverntenesta inkluderer personal-, fag- og økonomiansvar
• Du skal leie i samsvar med kommunens verdigrunnlag, strategiske planar og gjeldande lovverk, samt andre styringsdokument
• Skape og oppretthalde eit trygt og godt arbeidsmiljø
• Utvikle struktur og kultur som byggjer tillit hjå barn, foreldre, samarbeidspartnarar og lokalsamfunnet
• Fremje ein samhandlingskultur som sikrar heilskaplege og tverrfaglege tenester for barn og unge
• Kvalitetssikre at tenesta vert utført i tråd med gjeldande regelverk, samt utvikle eit godt kvalitetssystem og internkontroll

Vi tilbyr

• Arbeid i eit mangfaldig samhandlingsfelt med stort ansvar
• Varierte arbeidsoppgåver og spennande utviklingsprosjekt
• Du vil bli leiar for ein engasjert og motivert personalgruppe
• Gode pensjons- og forsikringsvilkår 
• Moglegheit for både fagleg og personleg utvikling
• Løn etter avtale 

Kvalifikasjonskrav

• Barnevernfagleg mastergrad eller anna relevant utdanning på tilsvarande nivå.
  Lang leiarerfaring kan kompensera for krav om mastergrad.
  Det vil vere krav om gjennomføring av barnevernfagleg vidareutdanning eller anna relevant vidareutdanning med omfang på minimum 30 studiepoeng, dersom ein ikkje fyllar krav om utdanning på mastergradnivå.
• Stillinga krev erfaring frå, og kjennskap til, arbeid i kommunalt eller statleg barnevern
• Barnevernleiar må ha juridisk kompetanse og god kjennskap til relevante lovverk
• Det er eit krav om leiarerfaring og/eller leiarutdanning

Kven er du?

Vi ser etter deg som har gode leiareigenskapar og samstundes ei høg arbeidskapasitet.
Det vil til tider vere hektiske dagar og barnevernleiar må derfor vere ein tydeleg, raus og inkluderande leiar. 

Vi ønskjer oss deg som jobbar godt åleine men og godt i team, både innan barneverntenesta men og i tverrfaglege team. 

Om du er genuiunt oppteken av fagområdet og i tillegg er ein pådrivar for tenesteutvikling og evnar å stå i endringsprosessar, så er dette eigenskapar vi ser for oss at vår nye barnevernleiar har.

Vår nye barnevernleiar er ein lagspelar og både trivast med og er god i samhandling med andre. 

Leiaren vår må evne å arbeide strukturert og målretta, og viser god gjennomføringsevne. 

Sist men ikkje minst vil barnevernleiar vere leiar for fleire fagpersonar og det vil vere viktig med gode egenskapar som skapar motivasjon, trivnad og gode relasjonar! 

Om du kjenner deg igjen i dette, ønskjer vi svært gjerne å høyre frå deg. 

Personlege eigenskapar vil bli vektlagd i rekrutteringsprosessen. 

Offentleg tenestepensjon

 I denne stillinga har du rett på ei av Noregs sikraste pensjonsordningar: offentleg tenestepensjon.
Der dei fleste tenestepensjonar berre utbetalast i 10 år, er offentleg tenestepensjon ei utbetaling som varar frå den dagen du sluttar å arbeide - og livet ut! 

Pensjonen inkludera og uføre- og etterlattepensjon dersom noko uventa skulle skje.
Med pensjonsrett i KLP får du og medlemspris og gunstige betingelsar på ei rekke bank, forsikring og spareproduktar! 

Sjå vår Pensjonsguide for meir informasjon om kva for godar du som tilsett i Osterøy kommune får med deg!